冇零用呀...要就自己賺！@ 追尋第一桶金 #1 (第一桶金)

Dozy | 9th Sep 2009 | 一般, 財富＠投資世界 | (312 Reads)

唔好誤會...唔會爆粗，真係講細個的時候冇零用錢...
第一次接觸工作、賺錢的概念...是小學洗大餅~
再懶...吃了的碗碟 Dozy 都會自己洗。
老二、老三沒有這些習慣，吃罷...碗筷可以原封不動放在餐桌上。
惹蟻呀...老媽嘮叨多了，才將碗碟放在洗碗盤內，用水浸着，都冇洗喎！
原因嘛...因為他們從小開始，吃飽了就不需要善後~
It's my JOB！口靚仔...咪同大佬搶飯碗呀！

小時候家裡環境比較差，老爸老媽從不會白給我零用。
初上小學的時候，看見身邊的同學竟然有零用錢，就跟父母要...
誰知他們說...冇錢呀，要零用就自己賺啦！
於是我就開始第一份工...洗碗~~
每洗一次，就有一元，早午晚三餐爭着洗，每星期就有 20 元了。很多時候為了貪快，偷懶不用洗潔精，洗完了還是油滑滑的，夠擔死真係扣我人工！！一元扣五毛！太無良啦！冬天的時候，喜歡藉詞天氣冷，用熱水洗，既乾淨又不用過水，正！

理財觀念從小培養效果比較好...
新生代年青人，物質太豐富，太容易得到，就不懂珍惜，就不能透過物質得到滿足。昨天搭地鐵的時候，身邊有位十三四歲的年青人，全程跟朋友講電話，Bi Li Ba La...約睇戲、約唱 K，仲話覺得 Dry！想去索 K？講真...我細個邊有錢同朋友睇戲呀？
雖然沒有豐富的魚蛋豬皮，但老爸老媽卻令我明白...
想要甚麼，就得自己爭取，想要零用錢，就得自己賺~
賺到了，就是一條果汁雪條，都覺得份外好味！

留言(33) | 引用(0) | 話題(童年生活)

[33]

不過從家庭教育角度去睇﹐家務賺零用有一個根本問題
家務﹐本來就係每個家人應盡之義務﹐當被當作勞動可以換取酬勞一刻﹐就會好似出現你兩個大佬D問題
無錢﹐細佬就唔會做家務。

[引用] | 作者文少 | 5th Oct 2009 | [舉報垃圾留言]

所以你話幾惡教，俾又唔係唔俾又唔係~~

[引用版主回覆] | 作者 Dozy | 9th Oct 2009

[32] Re: 星語心願

星語心願 :
自立更生，公仔好可愛的

我以為話我自力更生好可愛添~~

[引用] | 作者 Dozy | 19th Sep 2009 | [舉報垃圾留言]

[31]

自立更生，公仔好可愛的

[引用] | 作者星語心願 | 15th Sep 2009 | [舉報垃圾留言]

[30] Re: 芳芳

芳芳 :
我生長係90年代，生活物質好豐富，但係我家人都未俾過我零用錢，我要自己搵零用錢，就幫家人搥骨按摩，或者洗碗做家務。其實我覺得好睇家人點教仔女，香港咁多港女港男，可能係因為太多港媽港爸做成~^^

謝謝到訪
絕對同意，好似我兩位弟弟，就已經是不願做家務的。

[引用] | 作者 Dozy | 15th Sep 2009 | [舉報垃圾留言]

[29] Re: SHing

SHing :
我都有同感....
我細個個時.....我阿媽好仲意拿D 外發工...返屋企做..我有時想買咩玩具.佢就會話..幫手做完呢批貨...交咗貨之後..就買比你...當時...真係好珍惜D 玩具...一日無難到..一日都KEEP 住佢....

我都係呀！不過我做的都是兒童玩具，認下公仔認下字的，冇咩好玩！

[引用] | 作者 Dozy | 15th Sep 2009 | [舉報垃圾留言]

[28]

我生長係90年代，生活物質好豐富，但係我家人都未俾過我零用錢，我要自己搵零用錢，就幫家人搥骨按摩，或者洗碗做家務。其實我覺得好睇家人點教仔女，香港咁多港女港男，可能係因為太多港媽港爸做成~^^

[引用] | 作者芳芳 | 14th Sep 2009 | [舉報垃圾留言]

[27]

我都有同感....

我細個個時.....我阿媽好仲意拿D 外發工...返屋企做..我有時想買咩玩具.佢就會話..幫手做完呢批貨...交咗貨之後..就買比你...當時...真係好珍惜D 玩具...一日無難到..一日都KEEP 住佢....

[引用] | 作者 SHing | 13th Sep 2009 | [舉報垃圾留言]

[26] Re: ㄚ仁

ㄚ仁 :
only got my 1st part-time job @ 2nd of varsity...
should have started much much earlier, now come to think of it
money is an issue, but experiences gained are far more important...

係呀，賺錢將來大把機會啦，最重要係經驗同埋當中的體會。